English
نصائح هامه عند شراء جهاز بروجيكور
وأنت بتشترى جهاز بروجيكتور لازم تاخد بالك من كذا نقطة:
أولا: نوع الجهاز (LED - DLP - 3LCD)
* أبعد عن الليد تماما الا لو من ماركة معروفة زى بينكيو أو فيوسونيك غير كدة هيكون مجهول المصدر والمواصفات المكتوبة عليه مواصفات وهمية.
* ميزته أنه سعره رخيص و حجمه صغير لكن ريزوليشن و جودة صورة سيئة جدا و كذلك الاضاءة ضعيفة جدا و يعمل فى الظلام فقط.
* خليك فى اجهزة العدسات مثل (DLP-3LCD) بتكون أفضل كتير و بتعيش أكتر و جودة الصورة ممتازة و بيشتغل فى الاضاءة كمان.
ثانيا: شدة الاضاءة
* الاجهزة لو ليومن أقل من 2000 بيشتغل ظلمة او اضاءة خافتة.
* من 2000 لـ 3000 ليومن أفضل اجهزة تشتغل فى اضائة الغرفة.
* من 3000 ل 4000 ليومن أفضل أجهزة تعمل فى الاماكن الخارجية.
ثالثا: الريزوليشن
* الشركات بتنتج كل جهاز بفئات مختلفة حسب الريزوليشن ( كل ما زاد عدد البكسلز كل ما كانت جودة الصورة افضل ) فممكن تجيب الفئة الأنسب للميزانية و الاحتياج بتاعك.
1- SVGA (فئة الأس): 800*600 Resolution
2- XGA (فئة الأكس): 1024*768 Resolution
3- WXGA (فئة الدبليو) : 1280*800 Resolution
4- WUXGA (فئة اليو) : 1920*1080 Resolution
رابعا: المواصفات
* مدخل الفيجا والاتش دى مجرد مداخل ملهاش علاقة بالريزوليشن . الى بيحدد الريزوليشن هو فئة الجهاز التى تم عرضها.
* توصيل الجهاز بالموبايل عن طريق الانترنت بيكون عن خلال فلاشة الواى فاى حسب شركة كل جهاز.
* أجهزة قليلة بيكون جواها اندرويد و عشان نخلى الجهاز سمارت بنستخدم تى فى بوكس او شاومى ستيك عن طريق مدخل HDMI بحيث تقدر تفتح يوتيوب و توصل الجهاز بفلاشة و بالموبايل.
